No 2018, 12.188.288 persoas, o 26,1% da poboación española estaba en Risco de Pobreza ou Exclusión Social (AROPE)

A feminización da pobreza mantense, xa que taxa AROPE para as mulleres foi dous puntos porcentuais máis alta que a masculina (27% y 25,1%, respectivamente). Por idades, debe destácase a elevada taxa AROPE entre a mocidade de 16 a 29 años (33,8%) e o incremento por cuarto ano consecutivo entre as persoas maiores de 65 anos (17,6%).

Por outra banda ter fillos/as é un importante factor de risco de pobreza e/ou exclusión en España. Tódolos fogares nos que viven nenos, nenas e adolescentes teñen taxas máis altas que aqueles onde só hai adultos. Dentro deles, debe subliñarse especialmente a situación dos fogares monoparentais, a metade dos cales están en risco de pobreza (47,9%, cun crecemento de dous puntos porcentuais deste último ano).

Coa nova convocatoria de eleccións xerais para o vindeiro 10 de novembro, dende EAPN-España e as redes autonómicas como EAPN Galicia que formamos parte da mesma, quérese trasladar a tódolos partidos as propostas políticas e sociais contra a pobreza e a exclusión. Para iso preséntase o decálogo ‘10 Metas para la próxima legislatura’ que inclúe unha serie de propostas sociais cun obxectivo claro e común: conseguir un Pacto entre os partidos políticos do arco parlamentario, ao fin de facer efectivo o dereito da poboación a unha vida digna, en paz e seguridade.

As medidas concretas que se demandan son as seguintes:

Reducir a pobreza, a exclusión social e a desigualdade

1. Reducir dende o 26,6% ao 15% a taxa de persoas que actualmente se atopan en situación de risco de pobreza e exclusión. (AROPE) (Fonte: Enquisa de Condicións de Vida). Dotar de ingresos aos case 600.000 fogares que actualmente carecen de eles (Fonte: Enquisa de Poboación Activa).

2. Reducir a taxa de risco de pobreza e exclusión infantil do 31% ó 15% (Fonte: Enquisa Condicións de Vida).

3. Reducir a taxa AROPE dos fogares monoparentais do 47,9% ó 25%. (Fonte: Enquisa Condicións de Vida).

4. Reducir do 6,6 ó 5 (media da UE) o índice de desigualdade S80/S20. (Fonte: Enquisa Condicións de Vida).

Inversión nas persoas e o desenvolvemento económico sostenible

5. Aumentar as taxas de emprego, especialmente feminina, das actuais (65,5% para a poboación total e 59,6% para as mulleres) ata a media europea da UE28 (72,2% e 66,5% respectivamente) (Fonte: Enquisa Poboación Activa/Eurostat).

6. Reducir o desemprego xuvenil, do 38,6% ao 16,8%, a media da UE28 (Fonte: Enquisa Poboación Activa/Eurostat).

7. Reducir a taxa de abandono educativo temperán da educación, dende o 18,3% actual ata o 11%, a media da UE28 (Fonte: Indicadores de educación da Estratexia Europa 2020. Ministerio de Educación, Cultura e Deporte/Eurostat).

Protección social como motor de crecimiento inclusivo

8. Recuperar e promover o parque público e social da vivienda en aluger. Fomentar a mellora da habitabilidade apostando pola rehabilitación do parque inmobiliario. Reducir o sobreesforzo do coste da vivenda e suministros á media europea do 30% da renda do fogar e eliminar a pobreza enerxética. Erradicar o sinfogarismo, o chabolismo, os asentamentos agrícolas e as infravivendas (Fonte: Enquisa presupostos familiares, Enquisa centros e servizos de atención a persoas sen fogar e Enquisa Condicións de vida, INE).

9. Garantir a universalidade da sanidade e o acceso de tódalas persoas, especialmente das que se atopan en procesos de vulnerabilidade e exclusión social, ao sistema sanitario. Mellorar a cobertura e alcance da lei de autonomía personal e atención á dependencia, eliminando a lista de agarda (270.000 persoas aproximadamente) (Fonte: Enquisa nacional de saúde, Barómetro Sanitario, Sistema de Autonomía e Atención á Dependencia SAAD/Eurostat).

10. Ampliar a cobertura dos Servizos Sociais, mellorando a coordinación territorial, a visión integral, a eficacia e a transparencia, incrementando a participación do Terceiro Sector de Acción Social, con financiación sostida e axeitada (Fonte: Índice DEC de Desenvolvemento dos Servizos Sociais e Informe da Plataforma do Terceiro Sector).

A presidenta de EAPN-Galicia, Eloína Ingerto apuntaba na nova ‘As preguntas a representantes sociais’ que: ” A obriga moral de ir votar tamén nola transmiten moitas das persoas en pobreza ou exclusión coas que traballamos nas nosas entidades. Lembrándonos que facendo valer o noso voto se poden conseguir transformacións sociais efectivas”.

Recalcaba tamén que ‘’ter por fin un goberno estable debería implicar a posta en marcha de medidas “en espera” nos eidos como garantía de ingresos, vivenda, emprego digno ou reducción drástica da burocracia. Pero tamén para comprobar se en Galicia seguimos sen ceder ante o discurso político empeñado en rendabilizar o insulto, a mentira e o odio aos máis vulnerables, ás vítimas da aporofobia (rexeitamento ás persoas pobres polo simple feito de selo), xenofobia, racismo ou da violencia machista”

No acto do Día Internacional de Erradicación da Pobreza Galicia, celebrado o pasado 17 de outubro, a Valedora do Pobo e o vicepresidente de EAPN Galicia fortalecían tamén no seu discurso a importancia de non ceder ante a política do insulto e a aporofobia e esixían un compromiso real por parte dos poderes públicos na loita #ContrAporofobia

Máis información:

No cedan ante a política do insulto e a aporofobia

10 Metas para la próxima legislatura (Resume)

Medidas Prioritarias para luchar contra la Pobreza, la Exclusión Social y la Desigualdad (Detalle metas e medidas)