O Grupo de Participación de mocidade de EAPN Galicia acudiu o 21 de outubro o Encontro Estatal de Diálogo Estruturado, no marco do programa de EAPN España: JovEU: Motor de transformación social en Europa.

Máis de 150 persoas, entre mozas, representantes de institucións públicas a nivel europeo, nacional, autonómico e local e de organizacións sociais, déronse cita en Madrid para debater sobre os temas que máis preocupan á mocidade.

A xornada comezou coa presentación do informe “Resultados Finais da enquisa online. Xuventude: Motor de Transformación Social en Galicia” da man de Noelia Blanco, membro do Grupo de Participación da Mocidade de EAPN Galicia.

Pese que, segundo esta enquisa, o 95% das persoas marcaban como principal motivo de preocupación da mocidade galega o Emprego; a vivenda, formación e o ocio deben ser tamén eixes centrais nas políticas dirixidas a xuventude española.

A importancia de que o Estado promova unha mocidade participativa, no que o emprego, a educación, a vivenda, e o ocio poda chegar a todos e todas, foi o foco de atención da mesa de diálogo no Encontro, conformada polos principais axentes sociais e políticos neste ámbito.

Nos talleres específicos sobre Emprego, nos que o Grupo de Participación da Mocidade de EAPN Galicia ten elaborado un informe específico que se presentará no vindeiro Foro Galego de Loita contra a pobreza e terceiro sector, priorizáronse 5 medidas urxentes e imprescindibles para comezar a ter éxito nas políticas contra o desemprego xuvenil.

1. Colaboración das entidades e a administración con empresas que favorezan a contratación de mozas. Participación xuvenil no proceso, limitar bonificacións a quen paga salarios por encima do mínimo do sector para evitar precariedade e para financiar formación a traballadores para postos de traballo, antes e durante.
2. Acompañamento personalizado nos itinerarios de inserción sociolaboral: menos cociente de persoas por profesionais de ámbito sociolaboral en administración e ONG, redución drástica de burocracia e evitar a deshumanizacion do proceso (atención estable de profesionais, tempo de calidade) e un sistema integrado de orientación laboral e servizos sociais, non cada un polo seu lado. Un único profesional (ou equipo) tanto en ONG como na administración.
3. Xerar espazos de autoaxuda e traballo en equipo: Lanzadeiras de emprego, formación adaptada a necesidades laborais, saídas educativas, etc. temas complexos a mais básicos (facer currículos), oficinas de emprego (soas ou con axuda ONG) convocar a reunións con empresarios.
4. Adecuar o acceso ao mediocre Sistema de Garantía Xuvenil a mozas con menos posibilidades: Eliminar criterios absurdos (poder compaxinar con formación ou empregos temporais, financiar pequenos gastos ou formacións como carné de conducir), difusión masiva pero adaptada a medios de comunicación que usan os mozos e redes sociais e asegurar coordinación, compartir bases de datos, máxima transparencia (mozos en sistema, accións formación ou orientación, contratacións) dentro do Ministerio (INEM e SGJ) e con CCAA.
5. Cumprir coa cota de reserva de postos de traballo en empresa e administración publica tanto para persoas con discapacidade como para calquera persoa en risco de exclusión social: triplicar multas en caso de incumprimento, animar ás ONG para denunciar á autoridade laboral inclumpimientos.

En todas estas demandas, os mozos participantes apuntaron como dificultades comúns aspectos como a corrupción ou o escaso interese político, a burocracia extrema e o desencanto e desinterese xuvenil

A través deste proxecto, EAPN España, pretende que esas propostas cheguen as institucións públicas, servindo de altofalantes das voces da mocidade.